Ons nooi jou saam op hierdie ontdekkingstog om lees saam met jou kind of leerders in jou klas te verken. Byna alles wat ons doen behels lees.
Hoe meer gevorderd die samelewing raak, hoe belangriker word leesvaardighede. Daarom wil ons daarna streef om lesers te kweek en lees te onderrig. Ons poog daarin om ‘n liefde vir lees te bewerkstellig, selfs nog voordat die leerders kan lees.
NOVAE se storie- en leesreeks is ‘n taalontwikkelingsreeks waar leerders egter gelei word om te sien dat ‘n woord uit klanke en letters bestaan. Leerders wat woorde klank word bemagtig om dus nuwe, onbekende woorde te ontsluit en dan te kan lees. Die reeks bestaan uit realistiese, meevoerende stories waarmee die jong kind homself kan vereenselwig.
Dit behels allerdaagse gebeure wat in ‘n kind se leefwêreld afspeel.